ویب ڈیسک: اداکارہ ہانیہ عامر کو بہترین اداکاری پر برطانیہ کی پارلیمنٹ  نے ایوارڈ سے نوازا  ہے۔

اداکارہ ہانیہ عامر  کو برطانیہ کی پارلیمنٹ کے جوبلی روم میں 'سٹار آف پاکستان' ایوارڈ  دیا گیا ،تقریب کا مقصد اداکارہ کو ایک بین الاقوامی فنکار کے طور پر انکی پرفارمنس اور تفریحی صنعت میں شراکت کو تسلیم کرنا اور منانا تھا۔

اس موقع پر ہانیہ عامر کا کہنا تھا کہ 'یہاں آنا ایک اعزاز کی بات ہے، ہمیں پاکستان پر فخر  ہونا چاہئے اور اپنے پلیٹ فارم کو اپنے ملک کو مثبت انداز میں پیش کرنے کیلئے  استعمال کرنا  چاہئے ، ہمیں ایک مضبوط اور متحد کمیونٹی رہنا  چاہئے  ۔